Allt í köku er sérvöruverslun með gott úrval vara til kökuskreytinga, sykurmassaskreytinga, konfektgerðar og silíkonmótagerðar.
Hugmyndin að Allt í köku varð til þegar ég prófaði fyrst að nota sykurmassa til þess að skreyta kökur. Eftir það var ekki aftur snúið. Ég fékk brennandi áhuga á öllu sem viðkemur kökuskreytingum og konfektgerð. Ég vildi alltaf prófa eitthvað nýtt í hvert skipti sem ég gerði köku, en það var erfitt að nálgast áhöld, mót og hráefni til þess að gefa hugarfluginu lausan tauminn. Þar sem ég var að ljúka meistaranámi í Háskóla Íslands vann ég að hugmyndinni í nokkra mánuði áður en fyrirtækið varð til.
Ég fór á risa kökuskreytingasýningu í Bandaríkjunum þar sem ég fór á fjölda námskeiða og sá allt það nýjasta í bransanum. Þar kynntist ég ótrúlega skemmtilegu og frábæru fólki sem ég lærði mikið af. Það sem kom mér kannski mest á óvart á sýningunni er hvað kökuskreytingasamfélagið úti byggir mikið á því að deila upplýsingum. 'Sharing and Caring' eru einkunnarorð kökuskreytingameistara! Ég var alveg heilluð af þessu hlýja andrúmslofti og hversu tilbúnir allir voru til þess að deila öllu sem þeir vissu. Ég fann strax að ég vildi verða hluti af þessari heild.
Í upphafi átti Allt í köku aðeins að vera á netinu. Þegar hugmyndin þróaðist aðeins fann ég að netverslun myndi ekki þjóna þörfum viðskiptavina minna að fullu. Vörurnar sem við seljum eru aðeins hluti af því virði sem við bjóðum. Mikil áhersla er lögð á að veita framúrskarandi þjónustu og stuðning við notkun varanna. Allar vörurnar sem við seljum eru matvælavottaðar og framleiddar af sérhæfðum fyrirtækjum sem leggja mikið upp úr gæðum og fallegri vöru.
Ég hefði aldrei getað opnað Allt í köku nema fyrir tilstilli fjölskyldu minnar og vina sem studdu mig alla leið. Ég vil þakka systur minni, Katrínu Ösp, sérstaklega fyrir allar andvökunæturnar, alla aðstoðina og vinnugleðina.
Ég vonast til þess að sjá sem flesta í verslun okkar í Ármúla 23, 108 Reykjavík. Allar okkar vörur eru á heimasíðunni okkar og þeir sem sjá sér ekki fært að koma við í versluninni okkar geta fengið allar upplýsingar í síma 567-9911 eða í tölvupósti, eik@alltikoku.is. Við tökum við öllum greiðslukortum og sendum vörur út á land.
Bestu kveðjur,
Kristín Eik Gústafsdóttir
Stofnandi Allt í köku ehf.
Upplýsingar um Allt í köku
Allt í köku ehf.
Ármúla 23
108 Reykjavík
Ísland
Kt. 430910-2210
Vsk.nr. 105938
Sími: 567-9911
Gsm: 663-0955
Tölvupóstfang: eik@alltikoku.is
Opnunartími verslunar:
Mánud. - föstud: 10:00 - 18:00
Laugard: 11:00 - 16:00
Sunnud: Lokað
Sumaropnun frá 1. júní - 19. ágúst 2013:
Mánud. - laugard: 11:00 - 16:00
Sunnudaga: Lokað