Snickers smákökusleikipinnar

Helga Jónsdóttir sendi okkur hlekk á þessa æðislegu Snickers-smákökuuppskrift og þýðingu.

 

Snickers kökur á sleikjópinnum

210 gr hveiti
½ tsk lyftiduft
½ tsk matarsódi
¼ tsk salt

13 fun size snickers (eða þann fjölda sem á að búa til. Ég notaði bara venjuleg og skar þau í 3 bita hvert).
Sleikjóprik sem mega fara inn í bakarofn (13 stk eða þann fjölda sem á að búa til)

114 gr mjúkt smjör
100 gr sykur
100 gr púðursykur
125 gr hnetusmjör
1 egg
1 tsk vanillusykur

Hitið ofninn í 180 gráður. Setjið smjörpappír á 2-3 plötur og setjið til hliðar.

Blandið saman hveiti, lyftidufti, matarsóda og salti í skál og leggið til hliðar.

Undirbúið snickers með því að setja sleikjóprik inn að miðju og setjið þau inn í frysti til að harðna á meðan deigið er búið til.

Setjið smjör, sykur og púðursykur í hrærivélaskál og blandið vel saman þar til orðið létt. Bætið þá hnetusmjörinu saman við og hrærið vel saman. Þá er eggið og vanillusykurinn settur út í og að lokum hveitiblandan. Hana þarf að hræra vel þar til hliðarnar á skálinni eru orðnar hreinar og allt hefur blandast vel saman.
Skiptið deiginu í 13 jafna hluta (eða þann fjölda sem þið ætlið að gera). Ég vigtaði deigið til að fá allt jafn stórt og vigtaði þá 50 grömm af deigi fyrir hvert stykki og mér finnst það heldur stórt. Mætti vera aðeins minna og skera þá hvert snickers í 4-5 hluta í staðinn.
Búið til kúlur úr deiginu og fletjið svo út á milli handanna. Setjið snickers-ið í miðjuna á deginu og vefjið deiginu utan um þannig að hvergi sjáist í snickers-ið. Vefjið vel í kringum sleikjóprikið. Rúllið þessu svo á milli handanna þannig að kökurnar verði eins og maisstöngull og leggið á bökunarplötu. Það þarf að passa að hafa þetta ekki of þétt á plötunni þar sem deigið rennur aðeins út þegar það bakast.
Bakað í 14-16 mínútur við 180 gráður. Það þarf að vinna þetta svolítið hratt til að snickers-ið haldist frosið þegar það fer inn í ofninn. Annars vill það leka út fyrir deigið en það er líka allt í lagi ef það gerist. Smakkast alveg eins. Ég sprautaði rjómasúkkulaði utan á þegar kökurnar voru orðnar kaldar en það er valkvæmt.

VERÐI YKKUR AÐ GÓÐU :)