Flokkar
- Nýjar vörur!
- Bökunaráhöld
- Bökunarmót
- Borðar og pinnar
- Bragðefni
- Bækur
- Eldhústæki
- Eldhúsvogir
- Gelatín vörur
- Gjafabréf
- Hitamælar
- Hráefni og tilbúin krem
- Isomalt
- Jólavörur
- Kerti
- Kökuskraut Günthart
- Kökustandar
- Kökustandar til leigu
- Kökutoppar (ekki matvæli)
- Konfekt- og sælgætisgerð
- Matarlitir
- Mót
- Muffinsmót og skraut
- Mynsturtangir
- Námskeið
- Páskavörur
- SatinIce sykurmassi
- Sérstök tilefni
- Silíkon mótagerð
- Skrautsykur og glimmer
- Sprautustútar og pokar
- Súlur og diskar til að stafla kökum
- Sykurmassablóm - efni og áhöld
- Sykurmassaskerar
- Sykurmassavörur
- Tertuspjöld og blúndur
- Umbúðir
- Vörumerki - ÞESSI FLOKKUR ER Í VINNSLU
Ný aðferð við að setja smjörkrem á kökur
Það getur verið mikil þolinmæðisvinna að setja smjörkrem þokkalega jafnt og slétt á kökur. Þessi frábæra aðferð gerir öllum kleift að setja fullkomlega slétt smjörkrem á allar kökur (kringlóttar og ferkantaðar) og hún sparar gífurlegan tíma!
Það er hægt að nota þess aðferð þegar notað er smjörkrem með alvöru smjöri. Aðferðin virkar ekki eins vel þegar annars konar krem eru notuð, svo sem royal icing eða frosting krem.
Það er best að nota snúningsdisk til þess að geta snúið kökunni án þess að hreyfa höndina sem stýrir kreminu..
.
.
Byrjið á því að leggja kökumótið á smjörpappír og dragið línu meðfram mótinu.
.
.
.
Klippið um 5 cm utan með línunni til þess að pappírinn þvælist ekki fyrir á meðan unnið er. Ekki klippa of nálægt línunni því við viljum hafa pappírinn stærri en kökuna. Leggið smjörpappírinn á hvolf á snúningsdiskinn þannig að penna- eða blýantslínan snúi niður. Þannig kemst blekið eða blýið ekki í snertingu við smjörkremið.
.
.
.
Setjið mikið af smjörkremi á miðju pappírsins.
.
.
.
Dreifið úr smjörkreminu svo það sé þokkalega jafnt. Það er ekki mikilvægt að ná því sléttu en við viljum að þykktin sé sæmilega jöfn. Látið smjörkremið ná aðeins út fyrir línuna sem var teiknuð hinum megin á smjörpappírinn.
.
.
.
Hvolfið kökunni ofan á smjörkremið.
.
.
.
Þar sem smjörkremið var sett aðeins út fyrir línuna þarf kakan ekki að lenda nákvæmlega í miðjunni. Nú snýr botn kökunnar upp.
.
.
.
Farið allan hringinn og skafið mesta smjörkremið af smjörpappírnum.
.
.
.
Setjið mikið af smjörkremi á hliðar kökunnar. Notið sköfu til þess að slétta úr og dreifa smjörkreminu. Við setjum mjög mikið krem áður en við sköfum það í burtu til þess að tryggja það að engir kökumolar komist í kremið. Ef það er mikið af kökumulningi í kreminu getur hann sést í gegnum sykurmassann. Ef það á aðeins að nota smjörkrem viljum við líka hafa það alveg hreint og slétt. Haldið sköfunni alveg kyrri og snúið disknum til þess að fá alveg jafnt lag af kremi allan hringinn.
.
.
.
Þegar hliðar kökunnar eru tilbúnar er sett svolítið krem á botn kökunnar (upp á myndinni).
.
.
.
Hvolfið kökudisk yfir kökuna.
.
.
.
Snúið kökunni við með snúningsdisknum og kökudisknum.
.
.
.
Fjarlægið snúningsdiskinn og setjið kökuna í kæli í um klukkustund.
.
.
.
Þegar smjörkremið er orðið alveg hart er kakan tekin úr kælinum. Lyftið einum enda smjörpappírsins og dragið af kökunni. Eftir situr alveg slétt yfirborð kökunnar.
.
.
.
Ef smjörkremið ykkar er mjög loftmikið eins og hér er gott að geyma smá smjörkrem við stofuhita á meðan kakan er í kæli. Þegar pappírinn hefur verið fjarlægður er hægt að sparsla í loftgötin. Þegar maður gerir mikið krem í einu eru minni líkur á miklu lofti. Loftgötin skipta ekki máli þegar sykurmassi er settur yfir. Ef kakan á aðeins að vera með smjörkremshjúp reynum við að hafa ekkert loft í kreminu.
